مدونة فايز الحسبان

قالوا لي طيب قلت مالطيب اليفه 
قالوا لي نشمي قلت العز مخطيه
لا والله الا يالنشاما هديفه 
والشين من راسه لرجله مغطيه
عفن ٍ كذوب ٍ مالمثله وصيفه 
ماخبر زين ٍ اصفه فيه وعطيه
يلعب على الحبلين يهرف هريفه
بمده وجزره ماعرفنا شواطيه
يضحك على الاجواد نفسه خفيفه
وقلبه سواد الصاج يافلان ماطيه
نذل ٍ خسيس ٍ مايدينه نظيفه
كم اجودي ٍ بارد الوجه ساطيه
متشيخ ٍ بالزيف حاله كسيفه
وحسابه عندي حسبة اللي بمواطيه