احببت ان اكتب عن معاناة طفله يتيمه لم تنجب امها غيرها
يـــمـــه ..اسمعيني يا يمه
...
يمـه عندي سؤال.... يمه بالله جاوبيني..
يمه اللي يموت يمه ...يرجع بالله صارحيني
يــمـــه ... أنــا اسمع صوتك ..كل ساعه اسمعه
يمه والله ما اشاغب وان شاغبت...
.يمه بالله سامحيني
انا اعرف انك انتي... رحت عني وقالوا انسي
قالولي شوفي العابك .....قلتلهم ما تجيني
يمه يمه تعالي ... ما أنام الا عندك
وانت والله دلالي ... ودي اتلمس شعرك
غرفتنا صارت ظلمه... عوديلي يا حنيني
عوديلي يمه عودي...بطلت اخرب العابي
وان قلتي روحي نامي...اروح مغمضه عيني
يا يمه بالله ارجعيلي... شوفي دفتر علاماتي
جبت ميه من ميه... رحت افرجي خالاتي
شوفي النجمه على راسي...يمه يالله شوفيني
يمه شفتك تنادي علي وكنت بحيره
وقالوا عني مسكينه راحت امها صغيره
قالوا عني يتيمه
يمه ما اعرف معناها... شو يعني انا يتيمه
يمه تعالي يمه...يمه يالله دليني
قالو عني صغيره.. وهذه بنت مسكينه
وان شافوني معلماتي يبكوا ..وينزل دمع عيني
شو القصد يمه لما...
يقولوا تيتمت صغيره
كلهم صاروا يحبوني... والمديره تناديني
يمه اشتقت لحبك انت...يمه ليه تركتيني
يمه مريلولي توسخ .. وينك يمه تغسليه
يمه صرت ماني حلوه... ما حد غسل شعري يمه
يمه وينك.... ضميني
يمه كنتي تقوليلي... بعد شهر او شهرين
تجيبيلي فستان جديد... لما يتجوز خالي
يمه ما بدي الفستان...يمه بس احمليني
يمه شفتي صاحبتي...نسرين وبنت الجيران
يمه زاعلني كثير... يمشن مع هدى وعبير
تعرفي يا يمه ليش....لاني بطلت اضحك
زهقن مني يا يمه...ومالي غيرك يحميني
يا يمه لا تمزحي... يالله قومي وتعالي.....تعالي نرجع للبيت
يا يمه تعب خالي..وابويا دمعه يسيل
يمه ليه ما جبتيلي... اخو الي يسليني
يا يمه بيتنا فارغ... وما سقيت الياسمين
يا يمه ما حد يجينا ...غير انا وابويا نبكي
يمه وين القرايب...اللي كانت تجيني
خالاتي يا يمه وين...وخالي ما اعرف وينه
يمه قومي تعالي ...لا ما ارجع لحالي
يا يمه تحبي الله... بحضنك يمه دفيني
ليه يا يمه حطوكي... بالحفره وما اخذتيني
يا يمه كل يوم اجيكي...ردي يمه عليا
قالوا انك تنامي...ليه ما تصحي يا يمه
خلص يمه كفايه نوم ...بردت يمه غطيني
يا يمه اجيلك بكره .... قومي بايدك طعميني
يا يمه بكره اصحي ... الصبح ابوي يصحيني
يا يمه ارجعيلي بايدك يمه طعميني.......
ليست هناك تعليقات:
إرسال تعليق