كلك وفا يا هم

ديوان الشاعر / فايز الحسبــان

 كلك وفا يا هم

---

يا همي ليه سكنتني
طول العمر ما خنتني
وانت رفيق لدنيتي
كلك وفا يا همّْ 
صار العمر معناه انت
حتى الليالي كلها بالظلمه انت
فضحتني يا شين
سكَّرت ابواب المحبه وانتثرت
كلك وفا يا همّْ
رافقتني في ضحكتي
في دمعتي
في روحتي وفي جيتي
ما شفت يوم من الهنا
وانت سبِّة دمعتي
يا همي انت
كلك وفا يا همّْ
وبنت عمك غمّْ 
صارت حبيبه اللي تعيش بجنتي
تزرع دروب الونَّه بالقلب الندي
كلك وفا يا همّْ
تعرف اني صرت احبك
دون خلق الله انت
لازمتني سنينٍ مضت
وكمَّلتها بنت عمك غمِّ 
كلك وفا يا همّْ
ما همك دموعٍ بكت
وعيون منك اظلمت
والعشق من جورك فلت
ناديتني يا عمّْ
كل وفا يا همّْ
رافقتني وجوزتني من بنت عمك غمّْ
وباقي السنين عيالها واللي لفى ينضمّْ
كلك وفا يا هم
ليه الوفا يا همّْ بالله فارق دنيتي
وبطريقك بنت عمك غمّْ
خذها معك وسيبني
وخلني باقي حياتي مع حياتي التمّْ
مستكثر شوية سنين اشوف فيها دنيتي
اعيش فيها ضحكتي وابتسامه
كلك وفا يا همّْ
ليه انت بي ملزمّْ
يا هم خلي عندك دم
وخذ معاك وانت رايح
بنت عمك غم
خليتني مثلي انا مثل ما كانت سنيني
كلها بقولة نعمّْ
كلك وفا يا همّْ
ارجوك يا همي خلص
باقي السنين اللي لفت
ما اظني فيها التمّْ
وان شفت حالك ما لقيت الا انا يا هم
ارجع لحضني وعيشني
كل وفا يا هم