قلت لك يا قلب ردْ

ديوان الشاعر / فايز الحسبــان

 قلت لك يا قلب ردْ

---

قلـت لك يا قلبــي ردْ اسمـع الكلـمه وتعــال
........ولا تشوف السن يضـحك سمِّ ثعبـان ورماك

قلت لك يا قلبي ردْ شـوف كيف الحقـد صال
........كيف لونك صار اسود من تعكَّـر صفـو ماك

قبـل ما تمـشي بهـواها جـرب اسألها سؤال
........قول كيـف الحب عنـدك تلقى عقرب من وراك

يامــا قلتـلك تـونَّـى وغـربـل الـدنـيا غـربـال
........بعدما ضحكت سماها شوف كيف الهمِّ جاك

لا يغــرك ضحـكه منها قلْبَها قطـران وسال
........شافتـك لعبه خفيـفه وقـالت أَلعب في صفاك

قلتـلك يا قلـبي ردْ ولـو تشـوف مـن الجمال
........ولا يغـرك كـل جمال تلقـى فيها الحـقد حـاك

قلـت لك ابعــد وخلـي عنَّــك دروب الوصـال
........النـسا مثـل المسا وكـلْ مسـا يخلـف معـاك

يوم تضحك ويوم تبكي ويوم مثـل الجو مال
........ويـوم تتركها وتغيـب تخلـق عيـوب لجـفاك

وتنسى ايـامـك وتبـدا تنــثر دروبـك اهـوال
........تحكي عنك كل حكـايا يمكن تطعن في بهاك

قلــت لك يا قلـب ابعـد كـان براسـها مـوَّال
........قلبـها القـطـران غنَّــى بعـدما غنَّــى رمـاك

لا تصـدق نبضـك الليِّ مفترش درب الخَيَال
........صـدق اللي قـاله ربَّـك كيـدهن لك ولْسُواك