ليه تبليني بحبك

لو دريتك ياحياتي
مثل ما شفتك ..ما احبك
لو عرفتك
ما مشيت الدرب يمك
ولا على قلبك لفيت

لو دريتك مثل مَنْتَ
قلب قاسي حبِّ ناسي
وكذبك ملوِّع انفاسي
ما بكيت
لو دريتك في عيوبك
غدرك وشوك بدروبك
في ظروفك
ما ابتليت

ليه تخدعني وتكذب
ليه تغدر
ليه تسرقني عيونك
واحتريك بكل بيت

ليه تذبحني بطيفك
وصار نحري قرب سيفك
وانت تضحك ما يهمك
لو من الدنيا اختفيت

كنت اظنك ذكرياتي
حاضري وسلوة حياتي
كنت نوري وشمس روحي
كنت اظن اني قويت

لو عرفتك ما سقيتك
من دموعي واشتريتك
لو عرفتك يا حبيبي
قلبي والله ما عطيت

لو هديتك باقي عمري
يا حبيبي
اعتبرني ما هديت
انت كذبه في حياتي
وانت من سبَّبْ مماتي
بعد ما ظنيت قلبك
صار لي مسكن وبيت

كيف اتعود غيابك
آآآآآآآآآخ ليه تبليني بحبك
واعشق ترابك ودربك
وقلت احبك ما حَييت

يا حبيبي ليه تطعن
طعنة الغادر وترحل
ليه ترمي كل وعودك
وليه بالسرعه نسيت

روح يمكن غيري اجمل
وخلي باقي العمر يذبل
لكن انسى كل حياتي
وانسى كل شيٍّ عطيت

سامح الله من ذبحني
وادري قلبك من غدرني
وان قلت اني نسيتك
يشهد الله ما نسيت