ليتني باطراف بيتك

يا وجُودي في حَيَاتي يا أمَلْ ضايعْ حَزِينْ
..........يا مَحَطِّة ذِكْــرَياتي لــيهِ حـبي مشكلــه

شفتي ذَاتـي والله ذَاتي كِلهَّا شقـوةْ سِنينْ
..........والمَحَبَّهْ اللِّي تِجيني مِنِّك انـتِ مُذهِلَــه

ليهِ ما تِعْتَرفِي إنِّكْ عَايشَهْ بْوسط الأنِــينْ
..........ليهِ ما تِعْتَرفِي إنِّي نُورِِكْ اللِّي أشْعِلَــه

عَايشَه بينَ العَذابْ وقَلبِ قََاسِي مَا يليــنْ
..........اللهْ اللهْ.. مِنْ عِرفْ قَلبِكْ أبَدْ مَا يَزْعِلَه

غَيِّرِي إنْتي حَياتِكْ عِيشِي في حُبْ وحَنِينْ
..........عِيشِي ضِحْكَاتِكْ وإنتي يا غَلاتِيْ مْدَلله

لا يهِمِّكْ من تِسبَّب بالشِــقا الله المُـعيــنْ
..........ولا يهِمِّكْ من وجُودُهْ ولا يهِمِّكْ مَنْزِلَه

طَيِّبَهْ مِنْ بَيتْ طَيِّــبْ وانتِ اهــلِكْ طَيِّــبِينْ
..........وَالجَمَالْ اللِّي بِقَلْبِكْ وَالوَجِهْ ما أجْمَلَه

والسَعَادَهْ لاجْـلِكْ انت مْغَلَّـفََهْ بالياسَمِــينْ
..........وَالفَرَحْ عِنْوَانْ بيتِـكْ والغَبِي مَا أنْـذَلِه

ليتَنيْ للبُعدْ طَـايلْ وقَلْـبي في قَلْبَكْ سجينْ
..........لَيتَنِي بِاطْرافْ بيَتَكْ والدَرُبْ يا مَسْهَلَه

النْصِـيحَهْ مِنِّي تِبْـقِي بالوَرِد تِــسْتَأنِسـينْ
..........وافْرَحِي بَاقِيْ حَيَاتِك ولا يهِمِّكْ مَهْزَلَه

لَكِنْ ابْقِي رَاسِلينِيْ القَـدَرْ شُـوقُ وحَنـينْ
..........هَــذِهِ دُنِيَا يمْــكِنْ الدنــيا فِي يُومْ تْبَـدِّلَه
نزف القلم اخوكم فايز الحسبان