(بيان)
مساء الخير يالغالي مساء اللي ظهر بـدره
...............مساء معطر بنعناع وريــح من الفجر جاني
بيان اللي مثل نور القمر والنور من صغره
...............بيان اللي سعدها اليـوم صاد القلب وناداني
بيان اللـي بعـود النـد ومسك وعنبـر بذكـره
...............مساء النور يالغـالي وهنـاها اليـوم هنـاني
اقول انها بيان اللــي مداد الـروح في بحره
...............واقول انها قصيدة شعر فيها الشوق اضناني
خلقها الله فـي طــيب وكـرم وانغـام منتـثره
...............اقول الوصف وان قلته بيان اليـوم بستانـي
ربيع الورد وريحان الفجر وعيونها الخضره
...............حلا ومن الشهد معجون بيان ونغمة الحاني
مساء الخير يا نبع الحنان ويا ...حلو جمره
...............مساء الخير يا قطر الندى والخـد اشجــاني
مساء الخير يا عين المها والطيب في عطره
...............بيان انتي شمس دنياي وانتي موج شطئآني
احب اللي تسموا باسمك وكـل من تبــع اثره
...............مساء الخير يا وجه السعد يا طيـب خــلاني
بيان اللي لها قلبــي رسم الـوان في شعـره
...............تعيشي وتسلمي والله وتبقــي دوم عنــواني
نزف قلمي/ تخوكم فايز الحسبان
ليست هناك تعليقات:
إرسال تعليق