نذالة صديق

نذالة صديق


المـــــودَّه فــــوق وِدَّه مــا تــــودَّه
.............ودَّك اللي بالسما يعلم خفايا

والحلا فـوق الحـــلا وان ما تِحِّـــلا
..............الحلا بالقلب ييجي والمزايا

وان زعل وان ما زعل خلَّيه يزعل
.............الزعل مفتوح ما بين البرايا

والحبيــب اللــي تحبــه ما يحبـــك
.......خلِّ حبه... يكفي ان قلبه معايا

والرضا فوق الرضا للروح يرضي
............الرضا مني وهو يرجو رضايا

والهمــوم اللــي تهمَّــك ما تهمُّــه
............ترى همَّك جوَّه قلبك هو منايا

الربيع اللـي تربَّـــــع مو ربيعــــك
..........هو طريقِي وهو ربيعي ومبتغايا

الليــالي تمــر ليــلــه فــوق ليلــه
..........طيفها شمسٍ وتضوي في سمايا

هذا قـولي وافهم وش هي غايتـي
.............دربك اللي تسلكه درب المنايا

قـول عنـي اي شَّـي قـول الـردي
.............لكن ابعد عن دروبي وعن هنايا
اخوكم فايز الحسبان